Skrablo estas krucvortludo por du ĝis kvar personoj. Per tegoletoj kun literoj de diversaj valoroj oni sur la tabulo faras vortojn interligitajn kiel ĉe krucvortenigmo. La celo estas atingi laŭeble multajn poentojn pere de lerta eluzado kaj kombinado de la litervaloroj kaj la premitabuleroj. En 121 landoj jam vendiĝis pli ol 100 milionoj da ekzempleroj de skrablo en 29 diversaj lingvoj (inkluzive de Esperanto).